托比生活零零總總

　　有人講人生就是一直不斷的佇咧選擇，你感覺咧？

　　親像除了佇佗出世、成為啥款的人種、出世佇咧啥物國家及出世佇咧啥款的家庭之外，咱攏佇咧做選擇。

　　對要認真也是要貧憚，開始了選擇的開步。

　　所謂貧憚的爸母就會有勤奮的子兒這句話，你干相信？其實嘛有袂少貧憚的父母，嘛有貧憚的子兒。為怎樣咧？原因佇咧選擇。

　　聖經故事內面有真多選擇的故事，比如亞伯拉罕干要聽神的話將囝獻為祭品？約瑟干要原諒伊的兄長？約拿干要去尼尼微城？等。

　　佛、道教的要行善也是行惡？我要種下啥物因緣好得啥物果？等。

　　再再都是等咱來選擇干毋是？

　　人要對好處行也是要對壞處行馬是決定一生的重點。就親像亞當、夏娃選擇聽信讒言，吃了是非善惡樹，決定了人悲慘的運命。

　　聖經內面的耶穌選擇了為人獻上生命予人的悲苦有了轉彎的餘地。將一个壞話變做祝福。

　　所以選擇是毋是最重要咧？

　　假使佇咧求學問的時，一个選擇的錯誤有可能會影響後來的發展。在求工課的時一个錯誤的選擇，嘛會影響未來的生活。

　　心思的好壞往往嘛是佇咧一念之間。咱會當選擇以善待人，嘛會當選擇壞面相看。

　　選擇其實是最寶貴的，因為伊是自由的，沒有人恰你逼。可能有時確實有予逼的選擇，但是嘛是經由你家己的自由選擇來決定屈服，也是為此成仁。

　　選擇有時嘛是愛附上代價的。好比我會當選擇莫刺激我的敵人，但是我嘛會當選擇跟他相戰，看是啥輸啥贏，一改將問題解決。若無就是將問題一直放咧遐，等有一日爆發出來。

　　有人講上天給人的最大的禮物就是選擇。

　　咱會當選擇聽天的安排，去找一个會當救自己的浮底咧水頂面的柴頭；嘛會當奮鬥的去選擇找家己解脫困境的偎靠。

　　選擇一个著而且對家己有利的，比選擇一个錯誤煞予自己有損失的好佮千百倍。你要開始做選擇啊，是毋？